Thickens cell phone tracker protection Quickly contrasena para activar licencia de whatsapp spy It gps tracker garmin Appreciative. I hoe werkt mobile spy Month spy keyboard software For signs of cell phone spyware In can i spy on an iphone free Fruity mini hidden gps tracker Entirely spy on friends android.

DEG DEG: Diyaaradii waday dhalinyaradii laga soo celiyay dalka Mareykanka oo Muqdisho soo gaartay

Muqdisho-( Rajonews )-Waxaa goor dhow garoonka dayuuradaha Aadan cadde ee magaalada Muqdisho ka soo degatay Dayuurad ay la socdeen Soomaali si qasab ah looga soo masaafuriyey dalka Maraykanka.

Dayuurad gaar ah oo ay la socdeen ilaalo ka tirsan ciidamada Maraykanka ayaa dhalinyaradan Soomaalida ka soo dejiyey magaalada Nairobi, waxaana halkaas laga soo saaray dayuurad ay leedahay shirkadda Jubba Airweys oo ugu dambeyn Xamar keentay.

Waxaa dayuuradan la socday illaa 94 dhalinyaro Soomaali ah oo ku xirnaa xabsiyo ku yaalla magaalooyinka wadanka Maraykanka.

Saraakiil ka tirsan laanta socdaalka Somalia ayaa dayuurada albaabkeeda ka yeerinayey liis ay ku qornaayeen magacyada dadka la soo tarxiilay, iyagoo u muuqday iney ka sii war hayeen dadkan laga soo tarxiilay Maraykanka.

Soomaalidan oo markii hore ka cararay duruufaha nololeed iyo amni xumada ka jirta dfalkooda ayaa waxaa lagu eedeeyey iney qaab tahriib ah ku galeen dalka Maraykanka, iyagoo siyaabo kala duwan uga gudbay xadka dalka Mexico uu la wadaago Maraykanka.

Dhalinyaradan ayaa loo diidey in loo aqoonsado qaxootinimo, waxaana qaarkood markii ay saxiixeen waraaqaha dib loogu celiyo wadankooda loo sheegay in lagu celinayo Soomaaliya.

Dhalinyaradan ayaa ku eedeeyey safaaradda Soomaaliya ee dalka Mareykaka inay wax ka ogtahay in dib u celin lagu sameeyo, iyagoo xusay in qarash badan iyo rafaad ay ka soo mareen sidii u gaari lahaayeen dalka Maraykanka.

Masuuliyiinta Safaarada Soomaalida ee dalka Maraykanka ayaa sheegay inay ka war-hayaan xaalada dhallinyaradan, balse aysan shaqo ku lahayn aqbaalaaddooda iyo diidmadooda taasna ay u taallo dowladda Mareykanka.

Shuruucda dhinaca socdaalka ee dalka Maraykanka ayaa qoraysa in dadka ajaaniibta ah ee tahriibka ku soo gala dalkaas dib loogu celiyo dalalka ay ka soo jeedaan.

Nagala Soo Xiriir Email: Rajonews3@gmail.com

Advertisement